وصفة النخاع الرائعة والطبيعية 100% ومغذية للشعر الجاف والمتقصف والمجهد

وصفة النخاع رررررررائعه والطبيعية 100% ومغذية للشعر الجاف والمتقصف والمجهد و المجهد من الصبغات بجد رائعه بكل المقايس مش هنحتاج لا لحمامات كريمات جاهزة ولا غيره مفيدة جداااااا و نقدر نحتفظ بيها فى التلاجة لمدة سنة ... يلا تابعوني وارفعوا البوست عشان الكل يستفيد

هنجيب النخاع من عند الجزار وقوليله يكسرهولك
هتروحى البيت وتاخدى النخاع اللى فى نص العظمة وتحطيها فى حلة ع النار وسيبيه لحد ما يسيح ويبقى لونه سمنى كده وعامل زى السمنة و تسيبيه غلوة ع النار وفى حتت هتفضل موجوده مش هتسيح ف عشان كده هتاخديه تصفيه فى علبه ازاز محكمه او برطمان ازاز و تسيبيه فى التلاجه وبكده بقى جاهز معانا النخاع لاى وصفة ....

نيجى بقى للوصفه اللى هنعملها بيه ناخد مقدار فنجان قهوه مليان على الاخر من النخاع وننزل عليه مقدار
مقدار فنجان قهوه من زيت جرجير
مقدار فنجان قهوه من زيت زيتون
مقدار فنجان قهوه من زيت الصبار
مقدار فنجان قهوه من زيت خروع
مقدار فنجان قهوه زيت لوز حلو
 مقدار فنجان قهوه زيت جوز هند
كده حضرنا الوصفة وطبعا كلها طبيعية جداااا ومفيدة ورائعة للشعر ونقلبها كوووويس جدا ونحتفظ بيها بردو فى التلاجه ..
استعملها ازاى بقى ؟؟
هنطلع الوصفة بتاعتنا ونفديها عشان تكون لينه معانا وندهن بيها شعرنا كله من الجذور للاطراف وندلك شعرنا بيهه ونسيبه على شعرنا 3 ساعات ونغسل شعرنا بعدها كويس
ملحوظه
لازم نكون غاسلين شعرنا قبل استخدام حمام النخاع .
 وتانى حاجه الوصفة تنفع لجميع انواع الشعر ماعدا الشعر الدهنى جدا .
نيجى لتانى وصفة ودى يعتبر اسهل بكتير ورائعه جداااااا طبعا كلنا عارفين فوايد النخاع وفوايد الصبار تخيلوا لو حطيتهم بكميات متساوية عملنا بيهم ماسك للشعر تخيلوا النتيجه 
بصوا هنجيب زهرة الصبار وناخد فرع منها نفتحه وناخد الجل اللى جوا ده تحفة للشعر يابنات ونجيب بالنظر كده نفس الكمية اللى طلعت من الصبر نجيب نفس الكمية من النخاع اللى احنا محتفظين بيه كده كده من الاول فى التلاجه نحطهم ع بعض ونقلبهم كويس جدا وبردو نعمل بيهم حمام كريم سهلة جدا وبسيطة

وفوائدها لا يعلى عليها جربوها وشوفوا النتيجة بنفسكم