وصفة طبيعية لعلاج التجاعيد

جايبالكم ماسك سهل جدا جداااا ومفيد جدا للبشره والايد والبقع ومفيهوش مكونات 
ازاى يعنى مفيهوش 😂😂
عيب يابنت متشتميش 
هو مكوناته رز وميه بسسسسس 
 وغارفين كمان ده زى الكولاجين للبشره يعنى مع الاستمرار هيحافظ على بشرتك فى الحفاظ غلى نضارتها وحيويتها وعدم ظهور التجاعيد
طيب كفايه رغى بقى😕
بصوا ياحلوين هنجيب ربع كوبايه رز ونسيبها ف شويه ميه تتنقع بتاع غشر دقايق ولازم النقع
 بعد كده نحطها ع نار متوسطه ومعاها كوبايه ونص ميه وقلبى متسيبهوش ليتحرق لغايه مايتهرى خاالص بياخد تقريبا من تلت لنص ساعه وبعد مايتهرى نسيبه يبرد و نضربه ف الخلاط لقيتيه جامد شويه زودى اقل من ربع كوبايه ميه🍵
ووفضيه فى اى علبه كريم عندك هتلاقيه شبه المهلبيه كده
والمتجوزه تخبيه من جوزها وعيالعا لانه هيبقى شبه الرز بلبن بدل مايعمل عليه هجوم😂😂😂
وتاخدى حبه بسيطه ف طبق وتحطى على وشك وايدك والباقى شيليه ف العلبه ف  التلاجه واستمرى عليه وادعيلى بقي